نصائح بسيطة لبيت مريح نفسيا :

أضف تعليق
نصائح بسيطة لبيت مريح نفسيا :
نصائح بسيطة لبيت مريح نفسيا :
نصائح  بسيطة لبيت مريح نفسيا :

- اشتري شيكاره ملح خشن وكل اسبوع ارمي منها مقدار كبايه شاي ملح في كل بلاعه وحوض وقاعده حمام ، وهتلاحظي الفرق في البيت والله .

- هاتي علبه فاضيه وحطي فيها شويه ملح ونصف ليمونه وشويه خل عليهم وماتكتريش الخل عشان الريحه ، وحطيها تحت السراير تحت كل سرير علبه وهتلاحظي الفرق والله في البيت والنوم .

- حركي العفش ونظفي تحته وارمي ملح تحته وسبيه
ونظفي فوقه التراب والكراكيب ،

وارمي الدباديب والأشكال الحيوانات أو الطيور في البيت ، وهتلاحظي الفرق ..
- رشي المراتب بماء مرقي عطري فرش سريرك بمسك بدره أو ماء مجرد ريحه بس ، شيلي الكراكيب اللي تحت السرير ونظفي تحته ، هتحسي بفرق كبير

- رجليكى  تعباكي حنيها بحنه بلدي بس اعجنيها بماء ورد وهاشوفي الفرق .

- شيلي الصور من البيت احفظيها في درج أو دولاب ،

- بخري بيتك بحبه البركه بس بلاش الحمام يخشه نار أو بخور ولكن وانتي بتبخري سيبي بابه مفتوح وممكن أضيفي شيح للبخور، وشوفي هتنامي ازاي والأرق هيروح ازاي .

- ارمي الكراكيب اللي مش عايزاها ، وارمي الهدوم القديمه والاكياس والكراتين اللي ماليه البيت ، الكركبه بتجلب الجن للبيت ، رتبي بيتك واستغني عن اللي مالوش لازمه ، وشوفي الفرق .

- لما تمسحي بيتك حطي شويه ملح وخل في الجردل وياسلام لو تشتري ماء زهر وشبه كمان ودول يبقوا معاكي كل مره بتمسحي ، هتحسي بفرق كبير اووي .

- شغلي سوره البقره في البيت وعلي الصوت وافتحي الابواب والشبابيك يومين علي الاقل في الاسبوع ، وبعدها قفلي البيت وشغلي سوره ال عمران بصوت مسموع هادي . وياسلام لو عود بخور مسك أو عود أو ريحان يتولع في البيت . حاجه جميله اوووي وهتحسي الفرق 

رتب حياتك لنفسك محدش فاضيلك يرتبهالك ، اطرد الطاقه السلبيه من البيت ، عشان تحس أنه بيت وتحب وجودك فيه ، غير تتغير .
متنسيش تخلى ذكر ربنا على لسانك وبقلبك طول يومك 
والذكر ده لو تكرريه  طول يومك  بعد فترة  هتلاقى الفرق فى بيتك  .. الدعاء( اللهم  هبنى بيتا آمنا لايتسرب سره ولا ينفذ خيره ولا ينقطع  طريقه ولا ينطفئ بريقه  ولايتسلله جفاء ولايثقله بلاء واجعله يطعم الزوار ويحسن الجوار وصب عليه  الخير صبا ولا تجعل العيش فيه كدا وأسعد من يسكنونه ياسميع الدعاء

منقول 
التسميات

تعليقات

إرسال تعليق