كيكة قدرة قادر وصفه شهيه من مطبخك

كتبت سحر مهني 

المكونات:

 للكراميل:

½ كوب سكر

2 ملعقة كبيرة ماء

لخليط الكريم كراميل:

2 كوب لبن

4 بيضات

½ كوب سكر

1 ملعقة صغيرة فانيليا

للكيكة:

1 كوب دقيق

½ كوب سكر

½ كوب زيت

½ كوب لبن

2 بيضة

2 ملعقة كبيرة كاكاو خام

1 ملعقة صغيرة بيكنج بودر

1 ملعقة صغيرة فانيليا

طريقة التحضير:

1. في طاسة على النار، حمّري السكر والمية لحد ما ياخد لون كراميل دهبي، وصبّيه في قاع صينية الكيك واسيبيه يبرد.

2. في الخلاط، اخلطي اللبن مع البيض والسكر والفانيليا لحد ما يمتزج كويس، وصبّي الخليط فوق الكراميل بهدوء.

3. في بولة، جهّزي خليط الكيكة: اخلطي البيض والسكر والفانيليا والزيت واللبن، وبعدين ضيفي الدقيق والكاكاو والبيكنج بودر.

4. صبّي خليط الكيكة فوق الكريم كراميل بهدوء باستخدام مغرف

التسوية:

حطي الصينية في صينية أكبر فيها مياه سخنة (حمام مائي).

دخّليها فرن سخن على درجة حرارة 180 مئوية لمدة 45–55 دقيقة.

بعد ما تستوي، سيبيها تبرد تمامًا، وبعدين قلّبيها على طبق التقديم — هتشوفي شكل الكراميل السايح فوق الكيكة 😋