# خاطرة

أضف تعليق
# خاطرة
# خاطرة
قلت له بحبك.
قالي وايه كمان ،
قلت له عشقت معاك الحياة ،
عشقت معاك  الامان ،
قالي ....
 انا انسان بسيط غلبان ،
ده انا علي باب الله مش فارس من الفرسان ،
و لا عندي عزبة ولا في الحي ليا مكان أو دكان ....

مش عايز يا غالية اغشك ،
تبني في الخيال عشك ،
قصور من الاحلام فيها العز والهنا الوان ،
أوعي تفكري يا نور العين ،
اني خاين أو قليل الاصل جبان ،
كل اللي حيلتي يا بنت الناس،
صوابعي و ناي اعزف بيهم الالحان ،
اسعد بيها الأمير وينبسط الغلبان ،
 
في الدنيا دي زاهد لا عايز منها جاه ولا سلطان ،
ومش طالب من رب العباد غير الغفران .
عايش علي ادي ضعيف الحال قليل المال  .

قلت له ،،،،،
عشان كده حبيتك ،
حبيت فيك الانسان.
حبيت القلب الابيض ،
لا أنا عايزة مال قارون ،
ولا جناين وابل النعمان ،
انت في الشهامة والمرؤة اعز وأغلي الناس ،
و ف عزة النفس اغني من الملوك والأعيان  .

#خاطرة
دكتورة لبني يونس
التسميات

تعليقات

إرسال تعليق